ബോളിവുഡിലെ മിസ്റ്റർ പെർഫെക്ഷനിസ്റ്റ് ആമിർ ഖാന്റെ ‘ലാൽ സിംഗ് ഛദ്ദ’ എന്ന ചിത്രത്തിനെതിരെ നിരന്തരം എതിർപ്പുകൾ ഉയരുന്നുണ്ട്. ചിത്രത്തിനെതിരായ തുടർച്ചയായ പ്രതിഷേധങ്ങളെ തുടർന്ന് നിരവധി താരങ്ങൾ ആമിർ ഖാനെ പിന്തുണച്ച് രംഗത്തെത്തിയിരുന്നു. അതേസമയം, തങ്ങളുടെ സിനിമയെ എതിർക്കരുതെന്നും അത് ഒരിക്കൽ കാണണമെന്നും ആമിർ ഖാനും കരീന കപൂറും തന്നെ അഭ്യർത്ഥിക്കുന്നു. സിനിമയുടെ വരുമാനം തുടർച്ചയായി ഇടിഞ്ഞു കൊണ്ടിരിക്കുകയാണ്. ചിത്രത്തിന്റെ അഞ്ചാം ദിവസത്തെ കണക്കുകളും പുറത്ത് വന്നിട്ടുണ്ട്.
വാരാന്ത്യത്തിന് ശേഷം ലാൽ സിംഗ് ഛദ്ദയുടെ വരുമാനത്തിൽ ഇടിവുണ്ടായി. ആദ്യ തിങ്കളാഴ്ചയിലെ ചിത്രത്തിന്റെ വരുമാനം കഴിഞ്ഞ വെള്ളിയാഴ്ചത്തെ കണക്കിന് അടുത്താണ്. എന്നാൽ, ഞായറാഴ്ചത്തെ കണക്കുകൾ പ്രകാരം 25% ഇടിവാണ് ഇതിൽ രേഖപ്പെടുത്തിയിരിക്കുന്നത്. ഇന്ന് സ്വാതന്ത്ര്യ ദിനത്തോടനുബന്ധിച്ച് ദേശീയ അവധിയായതിനാൽ ചിത്രത്തിന്റെ കളക്ഷൻ കൂടേണ്ടതായിരുന്നു, എന്നാൽ ലാൽ സിംഗ് ഛദ്ദയ്ക്ക് അതും കാര്യമായ നേട്ടം ഉണ്ടാക്കിയിട്ടില്ല.
ലാൽ സിംഗ് ഛദ്ദ ആദ്യ ദിനം 11.07 കോടി കളക്ഷൻ നേടിയപ്പോൾ ചിത്രത്തിന്റെ ബിസിനസ് വെള്ളിയാഴ്ച 7.26 കോടിയായി കുറഞ്ഞു. ഇതിനുശേഷം, ശനിയും ഞായറും ലാൽ സിംഗ് ഛദ്ദയുടെ കളക്ഷൻ 9, 10 കോടി രൂപയായി. അതേ സമയം തിങ്കളാഴ്ചത്തെ പ്രാഥമിക കണക്കുകൾ പ്രകാരം വാരാന്ത്യത്തിന് ശേഷം 7.50 കോടി രൂപയാണ് ലാൽ സിംഗ് ഛദ്ദ നേടിയത്. ഇപ്പോൾ ലാൽ സിംഗ് ഛദ്ദയുടെ മൊത്തം ബിസിനസ് 45.46 കോടി രൂപയാണ്.
ലാൽ സിംഗ് ഛദ്ദയുടെ അവസ്ഥ വളരെ മോശമായതിനാൽ തീയറ്ററുകളിൽ ചിത്രത്തിന്റെ പ്രദർശനങ്ങൾ മുടങ്ങുകയാണ്. ലാൽ സിംഗ് ഛദ്ദയിലൂടെ നാല് വർഷത്തിന് ശേഷം ആമിർ ഖാൻ തിയേറ്ററുകളിലേക്ക് തിരിച്ചെത്തിയെങ്കിലും ചിത്രം പ്രേക്ഷകർക്ക് ഇഷ്ടപ്പെട്ടില്ല. ചിത്രം പുറത്തിറങ്ങിയതിന് പിന്നാലെ പലയിടത്തും കടുത്ത എതിർപ്പാണ് ഉയരുന്നത്. ഇപ്പോൾ ബോക്സ് ഓഫീസിൽ വളരെ മോശം അവസ്ഥയിലാണ് ആമിർ ഖാൻ, ഇപ്പോൾ തിരിച്ചുവരവ് നടത്താൻ അദ്ദേഹത്തിന് ഒരു മികച്ച ചിത്രം ആവശ്യമാണ്.